الحمدلله

جورج قرداحي روًح على البيت لاقى زوجته حامل، سالها: بمين استعنتي ؟

قالتلو : بصديق قالها: الحمدلله مش بالجمهور

مساطيل

في ثلاثة مساطيل قال الاول: شوفوا يا شباب انا عندي فلووووس اقدر اشتري بيها

امريكا الشماليه بكبرها قال الثاني: وانا عندي فلووووووس اقدر اشتري بيها امريكا الشماليه

والجنوبيه رد الثالث: ومين اللي قال اني هابيع

بلديتنا

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ...

بسرعة رد عليه شاب منهم احنا الكاميرا الخفية لو مش عايز تذيع قول ما تذيعشى ...

رد بلديتنا لأ ذيع خللى الناس تنبسط

ارهابيين

جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى

بنزينة

مرة

واحد راكب حمار فبيعدى على بنزينة لقا ايه لقا ان العربيات كل ما يتحطلها

بنزين تطلع تجرى راح دخل البنزينة وقال للراجل حط للحمار عشرة لتر بنزين

عشان يجرى اول مالراجل حط للحمار بنزين طلع يجرى ويرفس ويتشنج وجرى بعيد

قام الراجل قاله حطلى انا بقى عشرين عشان الحقه

غبي

واحد غبي حدف لحبيبته وردة ماتت ليه؟ علشان نسي يشيل الوردة من الزهرية

مبارك

فريق سجن طره

في حراسة المرمي : أحمد نظيف

في خط الدفاع كلاً من: حبيب العادلي – زهير جرانه – أحمد المغربي – أنس الفقي

في خط الوسط كلاً من: أحمد عز – زكريا عزمي – محمد إبراهيم سليمان

في خط الهجوم: علي شكل مثلث مقلوب قاعدته صفوت الشريف وفي إنتظار رأسي الحربة جمال مبارك – وفتحي سرور.

...المدير الفني : محمد حسني مبارك

**************************************

عااااااااااجل : أنباء عن

إستيلاء زكريا عزمي على خمس زنازين فى بورتو طرة على مساحه 90 متر في العنبر الخامس بتسهيلات من المغربى وفى حماية العادلى

أول اغاني ألتراس طره..

من طره شماااال

نهبنا المااااال

وريسنا اسمه أبو جماااال

.........================

حزبنا حقير

شعبنا كبير

مصينا دمه و برضه قليل

..اووووووووه ... اووووووووه

***************************************

الهكسوس انطرد .. فرعون

غرق .. كليوباترا انتحرت .. قطز اتقتل .. بيبرس اتقتل .. المماليك اتدبحوا .. العثمانين قتلو بعض .. محمد علي خرف .. عباس حلمي الأول اتقتل في بنها .. الخديوي اسماعيل اتنفى واتحبس .. الخديوي عباس حلمي الثاني بريطانيا خلعته .. فاروق اتنفى .. جمال اتسمم .. السادات اتقتل .. مبارك اتحبس .. حد ليه شوق في مصر ؟؟!

***********************************************

أعلن مبارك في رسالة صوتية ثانية

.

.

.

.

....

.

.

.

.

.

.

عن ترشحه لبطولة مسلسل

.. prison break season 5

*****************************************

من مصدر مقرب داخل طرة...مجاميع من المساجين يلتفون حول كل وزير و يغنوون

.

.

.

.

.......

..وكعبوا كعبواا ...وزيري وانا الاعبووة

****************************************

عاجل : نزلاء بورتو طرة يطالبون المجلس العسكري برفع سور .. علشان نظيف مايشوفش البحر من جوه

*****************************************

حسنى عمل عيان و مرتضي أغمن عليه عشان ميروحوش السجن

بعد اقتراب صدور قرار حبسها ، سوزان مبارك : أنا حامل هههههههه

**************************************************

كــل الـدول عـندهـم رئيـس سـابق ,,, واحنـا عندنـا رئيـس سـوابـق 

*********************

ليه بكار جدير بتولي منصب رئاسة الجمهوريه ؟

.

.

.

.

.

.

.

1 - من قلبه و روحه مصري : يعني هيحب مصر ويخاف عليها

2 - النيل جواه بيسري : و كدة هتتحل مشكلة مياه النيل لأن النيل جواه و محدش هيقدر

ياخده

3 - كفه رقيق و صغير : و ده هيتعكس على الظباط في الاقسام و ايديهم هتبقى حنينة على قفانا

4- معزته رشيدة : شوفوا بيحب المعزة ازاى و بيخاف عليها هى صحيح بتضيع منه كل حلقة بس مخلص لها , تخيلوا بقى هيخاف على البلد اد ايه

5 - اصحابه كتير كتير اده و

ادهم : يعني هيعرف يسيطر عليهم و يفهمهم و لو كان فيه فساد تامر أمين مش هيقدر يقول ان الناس اللي حواليه ضحكوا عليه

6 - محمد منير غنى له : و طبعا محمد منير عنده خبرة في الأغاني الوطنية و السياسية مش زى مثلا حمادة هلال

****************************************

مره واحد بيسأل مبارك عندك فلوس اد ايه فى البنك قاله معنديش و هو عنده

******************************************

قررت اتصالات وفودافون وموبنيل ان لو الاخوان مسكوا الحكم

تتغير الرسائل إلى

.

.

.

................

كلمني جزاك الله خيرا

اشحنلي بالله عليك

الهاتف الذي تحاول الاتصال به مغلق والله أعلم

................

قائمة اسعار كانتين سجن طرة :

.

.

.

.

.

بيبسى, كولا , فانتا ........ 4 مليون

علبة سجائر كليوباترا ...... 2 مليون

علبة سجائر سوبر .... 3 مليون

كوب شاي ........... 1,5 مليون

علبة تونا .......... مليار و نصف

علبة بلوبيف ......... 3 مليار

لا نقبل الشكك او الفيزا،

و شكرا

*************************************

جيمي يغني ف السجن ويقول

.

.

.

...احلف بسماها وبترابها...ما حد حبسني الا شبابها

.

.

.

ثم رد حسحس وقال

.

.

.

.

.

. في كل شارع في بلادي الشعب بيشتم فيا و في ولادي

*****************************************

نظيف يطرح علي مبارك

>

<

>

<

......>

<

>

<

>

<

>

<

>

مشروع الزنزانه الذكيه

*******************************************

عاجل

.

.

.

.

..........

.

.

.

: مظاهرات و اعتصامات داخل سجن طرة للمطالبة برحيل مبارك

و المساجين يهتفون: غوروا غوروا انت و هو ، ، ، انتوا ورانا بره و جو

*****************************************

حبيبي يااا فتحي ... يا حر زي الطيــــر

تعالى لعمو حسني ... في السجن جنبه سرير

...السجن ده سجننا

و الحبس من حقنـــا

ايـــه اللي يمنع فتحي انه يعيش وسطنا

__________________________

مع الاعتذار لمدحت صالح

**********************************

بورتو طره .....زنزانه عالميه على ارض مصريه

******************************************

عاجل | مبارك : الأخوة والأخوات.. أبناء شعب مصر.. أنا اتحبست

رسالة هامة من الريس

يا شعبي حبيبي يا روحي يا بيبي ** يا حاطك في جيبي يابن الحلال

يا شعبي يا شاطر ياجابر خواطر ** يا ساكن مقابر وصابر وعال

يا واكل سمومك يا بايع هدومك ** يا حامل همومك وشايل جبال

يا شعبي اللي نايم وسارح وهايم ** وفي الفقر عايم وحاله ده حال

أحبك محشش مفرفش مطنش ** ودايخ مدروخ وآخر انسطال

أحبك مكبر دماغك مخدر ** ممشي أمورك كده باتكال

وأحب اللي شايف وعارف وخايف ** وبالع لسانه وكاتم مقال

وأحب اللي راضي وأحب اللي فاضي ** وأحب اللي عايز يربي العيال

وأحب اللي يائس وأحب اللي بائس ** وأحب اللي محبط وشايف محال

وأحبك تسافر وتبعد تهاجر ** وتبعت فلوسك دولار أو ريال

وأحبك تطبل تهلل تهبل ** عشان ماتش كورة وفيلم ومقال

وأحبك تأيد تعضد تمجد ** توافق تنافق وتلحس نعال

لكن لو تفكر تخطط تقرر ** تشغلي مخك وتفتح جدال

وتبدأ تشاكل وتعمل مشاكل ** وتنكش مسائل وتسأل سؤال

وعايز تنور وعايز تطور **وتعملي روحك مفرد رجال

ساعتها ح اجيبك لا يمكن أسيبك ** وراح تبقي عبرة وتصبح مثال

ح ابهدل جنابك وأذل اللي جابك ** وحيكون عذابك ده فوق الاحتمال

وامرمط سعادتك واهزأ سيادتك ** واخلي كرامتك في حالة هزال

وتلبس قضية وتصبح رزية ** وباقي حياتك تعيش في انعزال

ح تقبل ح احبك, ح ترفض ح البك ** ح تطلع ح تنزل ح اجيبلك جمااااال 

مبني اتحاد الاذاعه و التليفزيون / القناه الثانية /برنامج الست ديه امي

مبني اتحاد الاذاعه و التليفزيون / القناه الثانية /برنامج الست ديه امي

********************

السؤال الأول: التعبير
اكتب ما لايقل عن 650 سطر فى أحد الموضوعات التالية
لم
يجد الطفل غير الشارع ملجأ نظرا لحالة البلد الهباب..فاتجه إلى السرقة
والقتل والحشيش.. حتى نال جزاءه وقبض عليه متلبسا بباكتة بانجو.. اكتب
قصته مع تسليم الحِرز للباشا مراقب اللجنة




شهدت بلدنا
الحبيبة نهضة فى مجال التشييد والبناء وخصوصا بعد وصول سعر الحديد إلى
6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز


بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى
ثم
أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت
عايز معجزة..مش كفاية بتاكلوا لحمة ومستورين.. عايزين إيه تانى؟



ما هى اللحمة؟ أو على الأقل حدد أقرب معنى خيالى لها



مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت



لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالةمع واحد تانى.. افهم انت بقى اختر



حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث القراءة
من موضوع ( الزعيم..و الفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقىكما أنه يرحب بالتوريث ومقتنع بكل سياسات الحكومة



ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟



دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها



بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

المسيسبى - الأمازون – يونج يانج



هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه



أكمل الأبيات إلى آخر كحكة فى الكليب



قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى



اذكر اسم مصيبة واحدة محصلتش فى النص الأسود ده



وضح
عبقرية أحمد بدير الإرهابى فى النص وهو يكتب رسالة على الكمبيوتر باستخدام
أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش
بإنتر.كمبيوتر إرهابى بقى



سبب وجود الشرطة كل خمس دقائق فى النصموسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ــــــــــــــــــــــــــــــــــــــــــــــــــ ـــــــــ
السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا 

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط
كوز المحبة انخرم..طرطش على كمى..ياحبيبى بطل جفا وارحم عذاب امى

فار

يقولك مرة فار ماشى مع خطيبته فى الغابة وفجاة لاقى الاسد فحب يعمل راجل قدام خطيبته 

فراح للاسد قاله: انت يا حيوان

الاسد رد : انت بتشتمنى انا ؟؟ رد الفار وقاله: ايوة بقولك انت 

و مشى الفار وراح وصل خطيبته لبيتها وهو راجع قابله الاسد قال : انت كنت بتشتمنى انا يا فار؟؟ 

قال: لا والله دا انت ملك الغابة هوا حد يقدر يشتمك؟؟ أنا بس كنت بعمل شويتين كده قدام البت 

انا اسف وهات راسك ابوسها طلع الفار على راسه عشان يبوسها فشاهد خطيبته معديه 

فقال للاسد: ادوس على دماغ امك دلوقتى؟؟؟

البول

مرة واحد مسطول قابل شيخ فقاله كنت فين ياعم الشيخ فرد عليه الشيخ وقاله كنت بحلل بول

فقاله المسطول مش حرام تحلل البول وتحرم الخمرة

ربنا يسهل

شحات راح لواحد قال له لله قال له ربنا يسهلك فقال له ولو مسهلهاش ارجعلك؟

اصفر

مره واحد معلم ابنه بدل ما يقول عاوز اعمل حمام يقول عاوز اصفر

وفى يوم كان الطفل نائم مع جده فقال له عاوز اصفر 

قال له جدة الدنيا ليل والناس نائمين فضل يبكى وهو يقول عاوز اصفر 

فقال له الجد صفر فى ودنى بس براحه

قاموس جديد

امووس الروشنه الاصلى علشان اللى يشوف افلام زى اللمبى والحاجات دى يبقى عارف الترجمه

مصطلحات عجيبه وغريبه تفرد بها الشعب المصرى والسؤال المتواجد حاليا

هل هذا جزء من الثقافه الشعبيه المصريه؟

ولا دى موجه وهاتعدى وخلاص؟

ولا دا شىء دخيل علينا هايروح مع الزمن؟

اسيبكم مع القاااااااااااااموووس وبانتظار ارائكم

1) أستمورننج

لفظ يقال في الصباح بغرض تناول الطعام أو التدخين ، أو شرب الشاى حتى يفيق 

الشاب من نعاسه ، مثل " هاروح اعمل أستمورننج علي القهوة وجاى "

(2) الأبلتين لدع في دهاليز الحياة

عبارة تدل علي الخواء أو الفوضى في الحياة ، وغالباً ما تأتى بقصد الفلس

(3) أعمل دماغ

عبارة مشهورة لدى المدخنين ويقصد بها ضبط الحاله المزاجية عند المدخن

(4) أديها جاز

عبارة تقال في مواقف المشاحنات بين الأصدقاء لزيادة حدة المشاجرة ، مثل " 

أدى الخناقة جاز علشان تولع أو شعللها " سواء بالكلمات أو توجية اللوم لأحد

المتشاجرين لكى يثور علي الاخر

(5) أختفى شوية

أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى 

شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى

من أمامى الأن .. أى أمشى وأترك المكان لأنى لا أريد رؤيتك

(6) أيه النظام

عبارة بمعنى أيه الموضوع ، ولقد أستغلت الكلمة في أحد إعلانات الموبيل فى 

نظام كروت الشحن و العبارة تدخل في العديد من الأحداث التى يتسائل فيه 

الشاب عن الأحداث الجديدة ، مثل " أيه النظام .. النظام في العظام " 

والعبارة الاخيرة تفيد الأعتراض علي الإجابة بإسلوب فيه عبط وإستهبال

(7) أليط

لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة

( أتشبح

مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح

(9) إتم

والأتامه حسب تعريف الروشنه تعنى الغلاسه والرخامه والتناحه ، وجميع الصفات

السيئة التى قد يتصف بها شاب معين .. ويقولون " الإتم جه " أى استعدو 

لتحمل السماجه التى سوف تظهر من هذا الشاب

(10) أزبهل

لفظ يدل علي الزهول الشديد ويقال " انت مزبهل كده ليه " أى مندهش لدرجة العبط

(11) إحلق

وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق

(12) أتوبيس راجع بضهره

عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده "

(13) أعلمه

وهذا مصطلح يعنى التشوية في جزء من الوجه بآله حاده ، مثلما أراد الفنان 

محمد سعد في فيلم الناظر مع النجم علاء ولى الدين " أعلمك بمطوه يا ابو 

صلاح ده ختم الصياعه "

(14) أنش

لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل

(15) أملئ التنك

عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام

(16) أمبلايز

مصطلح بمعنى " في القشوش " اى ان الموضوع الذى سعيت من أجله لم يتم ، او 

تعبت علي الفاضى ، وتقال " الحياة في الامبلايز " اى ان الحياة خربانة 

وفاشلة

(17) أشاعاتى

الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء

(1 أبجنى تجدنى

عبارة تعنى " انا يمكن شرائى بالمال " او اعطنى المال لكى انفذ كل ما تطلبة

، وغالباً ما يقولها الموظفين المرتشين او الشاب الذى لا يهمه إلا مصلحته 

دون الأخرين

(19) أنجز بالونجز

كل المشاكل التى تقابلها لها حل سريع وحاسم ما دمت تدفع المقابل ، والونجز 

يقولون انها كانت نوع من انواع السجائر قديماً ، لكنها تطلق هنا علي النقود

لانها حلالة العقد وسريعة التأثير في انهاء المصالح المتوقفه

(20) أخلع دلوقتى

عبارة تقال كأعلان لرغبتك في رحيل شخصاً ما ، أنهيت الحديث معه ، مثل " 

أخلع دلوقتى ورايا شغل " أى امشى الان ونتكلم مره اخرى فلدى ما اهتم به 

غيرك

(21) أتزرع هنا

بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى

تانى " أى لا تترك مكانك أو موقعك حتى أعود إليك مهما كانت الأسباب

(22) أعلن فرارى

عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا هأعلن فرارى اى انا ماشى او لن انضم اليكم في الحديث

(23) أتارى

مصطلح يطلق علي السيارات الخفيفة ، لانها تشبه السيارات في العاب الفيديو 

جيم او الاتارى ، مثل " سياره الشرطه " ويقولوها المدمنين " اجرى يالا 

عربية الاتارى جاية "

(24) أيه الحياة ؟

سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى

(25) أحنا اللى بهيظنا الفهايص

عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى "

(26)أبو الغضب

اسم يفيد معنى الشر او ان هناك نية مبيته بالايذاء ، ويقال اسم ابو الغضب 

في وشه اى ناوى علي الشر ، اما " ابو الغضب " نفسه فهو شخصية كارتونية 

شريرة ظهرت في حلقات ( مازنجر ) وعلي غرار المعنى يقال شبية أبو لهب او 

شبية أبرهه الاشرم وكلها شخصيات شريره

(27) أوزى

لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك

(2 أيه البواخه ديه

عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو

(29) أدعك الفانوس

عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد

(30) أنزل من ع المسرح يا نجم

عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع

(31)أنف

الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية

(32) أهرش

لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية

(33) أنزل من علي ودنى

عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

(34)أوكشه

وهى الفتاه الباهره الجمال او التى تستحق ان يطلق عليها كله " أنثى "

(35) أنتخ

لفظ بمعنى جلس بدون هدف ينتظر الفرج حتى يأتى له ، مثال " انت ها تقعد 

مأنتخ من غير شغل كتير " والمقوله يردد مثلها الاباء كثيرا للابناء 

الجالسين بلا عمل بعد التخرج ومعناها ابحث لك عن عمل بدلا من الجلوس الممل 

لانى لا انوى الاستمرار في منحك مصروف

(36) أشتغله

اى اكله البلوظه او اكذب عليه او اخدعه او استهبل عليه وتقال " انت بتشتغلنى "

(37) أينح

لفظ يدل علي الشخص الذى يجلس في استرخاء وهدوء بدون عمل ويقال " انت مأينح 

ليه " اى ما هو الشئ الذى تنتظره حتى تحقق ذاتك وتبحث لك عن هدف

(3 أوجو

مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر

(39)أدرجى

لفظ يطلق علي محترف الصياعه او " لافف " ويقال انت شاب أدرجى في السوق ، اى

بارع في التجارة وتفهم الكثير من خبايا الامور واحيانا تقال للشاب ذات 

العلاقات النسائية المتعددة

(40) أيحه

لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم

(41) أشايك

مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر

(42) أرحلك

إنظار صريح بالطرد او النفى ، وسوف اعيدك من حيث اتيت وتقال حينما يخطئ 

الشاب في من هو اقوى منه مهنياً او قائد المعسكر لشباب في الرحلات

(43) أرقدلك

تهديد صريح بالشر ، والترقيد هى النية المبيتة بالشر او الإيذاء

(44) أحط عليك

عبارة لها العديد من الاستخدامات ، فأحياناً تفيد الاستقصاء او نية الايذاء

احط عليك في الشغل اى سوف اتصيد اخطاءك حتى اعاقبك واحياناً تقال بمعنى 

الزياره مثال " هحط عليك بكره " اى سوف ازورك غداً

(45) أفتكس

كلمه تعنى القدرة علي الاختراع او التأليف في مجالات الحياه المتعدده التى 

تتسم بطابع العبط والاستظراف مثل " ايه اخر افتكاساتك يا عم ،، اى ما هى 

اخر اختراعاتك في الحياه

(46) أستكانيس

لفظ يدل علي الراحه والرفاهيه والمتعه وتقال " انا مستكانيس كده " اى انا مرتاح جداً بهذه الطريقه

(47) أشايك

مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر

بيرمى ودن

عبارة بمعنى انه يتصنت علي شئون غيره بتوجيه الردار بالأذن ، لاثنين يتحدثون سراً لكى يفسر الكلام الهامس

(4 بكابورت

صفة تطلق علي الروائح الكريهه الصادرة من اسلوب كلام شخص ما وهى دليل دامغ 

علي ان هذا الشخص مقزز لدرجة خيالية مثل " بكابورت وانفتح "

(49) بخ

تأتى بمعنى أن شئ ما أنتهى وغالباً ما تأتى في جمله " بخ خلاص كان موجود وخلص " اى ان ما ترغب فيه لم يعد متاح الان

(50) بعته

لفظ بمعنى " اخدعة " او اكذب عليه حتى تضحك من تصرفاته مثل " روح يا شيخ .... وتعالى بسرعه "

(51) ببخظه وعرانيسة

عبارة تدل علي جوده النبات ( المخدرات )

(52) بشلة

علامة على الوجه ، ناتجة عن المشاجرات واحياناً تدل علي ان الشخص الذى تشوه وجهه " بلطجى أرارى " اى معتاد علي اعمال البلطجه

(53) بونتى

نداء يوجه لشخص ، يقصد منه " فرد العضلات " او الاستهزاء بقدراته واحياناً يقال لصديق او رفيق حديث العهد بالشلة

(54) باكس

مصطلح بمعنى الخايب ... العبيط .... الذى يمكن خداعه بسهوله " يا باكس " 

نداء بغرض الاستهزاء بالشخص الموجه اليه النداء ويجهله الجميع

(55) باشكا

مصطلح بمعنى ألعب بأوراق مكشوفه ، او بطريقه واضحه وغالباً ما يستخدم اللفظ في الكوتشينه ويقال العب باشكا اى العب ع المكشوف

(56) باترينا

لفظ يطلق علي الشاب او الفتاة التى ترتدى نضاره

(57) بلبع

لفظ يطلق علي الشخص الساهى والغير ثابت وموزون في تصرفاته فيقال انت مبلبع ايه ، ويقصد انه مدمن مخدرات لعدم اتزانه

(5 بروبجندا

مصطلح بمعنى التشهير ويقال " عاملى بروبجندا " اى جامع الناس حولك وتفضح اسرارى ، والكلمه انجليزية في الاساس بمعنى دعاية ( تشريد )

(59) بتهوبص

لفظ بمعنى " يستعبط " اى تتظاهر بالغباء وانت اعلم الناس وتقال " انت بتهوبص علينا " اى بتكذب او عامل فيها عبيط

(60) بيظيط

لفظ بمعنى النطق بكلام فارغ .. والشخص الظايط هو المعتوه الذى يردد كلام لا

يفهمه او يفهمه غيره مثل عبيط القريه وتقال " ما تظيطش يا عم علينا " او "

كفاية تظريط " اى لا تدوش دماغنا بكلام فارغ . وتأتى كلمه " ظيطه " ايضاً 

بمعنى دوشه او همجية في التعامل

(61) بتخبط في الحلل

عبارة بمعنى " انك تفضح سرى وذلك يسبب لى اهانه " وتقال العباره عندما يسب 

شاب صديقه فيرد عليه ويقول له " لاء متلعبش معايا الدنيئة ومنخبطش في الحلل

مع بعض "

(62) بنت في الزيف

عبارة تطلق علي الفتاة الجميلة وفى الزيف تعنى في الجون اى ذات جمال خارق تستحق عليه كلمات الثناء والاعجاب

(63) برطعه

لفظ بمعنى " أكل ومرعى وقله صنعه " اى يسير في الحياه بدون هدف او غايه 

وتقال " ماشى في الحياة بيبرطع " اى بلا افكرا محددة بشكل منظم او يعيش 

بعشوائية او يعيش عاله علي الاخرين

(64) بأف

وهو الشخص قليل الفهم او الاستيعاب والذى يتصرف بعفويه نادره لا تخرج حتى من حيوان اليف

(65) بيجيب لورا

عبارة يقولها شاب لصديقه عندما يتراجع شاب في شلته عن موقفه الذى ايده ، والتراجع نتيجه ضغط او اعاده تفكير في الوضع الحالى

(66) بلط

وهو الشاب الذى يحتوى علي المادة السحرية التى تصنع منها الرخامه " الغتاته

" والشاب البلط هو المركز الرئيسي او التوكيل الرسمى لهذه الماده السحريه

(67) بونو

لفظ بمعنى حلو او جميل في اللغه الايطالية

(6 بلدى

لفظ يطلقة المجندين في الجيش علي اصدقائهم في نفس القريه مثل لفظ " بلدياتى "

(69) بستف

وهى الاهانه لدرجة المسخره " مسخر بكرامته الارض " او بستف فلان ، اى وجهت اليه كلام لوم شديد اللهجه على غلطته

(70) بؤله

لفظ بمعنى الموضوع وتقال " البؤلة دي بتاعتى " اى ان هذا الموضوع اهتم به فهو شخصى

(71)

تنشن

حاله من الغضب او الزعل تنتاب الشاب عند سماع الاخبار السيئة .. وتقال " ماتنشنش كده " اى لا تغضب

(72) تنح

إندهش وإزبهل ، او علي حسب وصف افلام الرسوم المتحركه " سقط فكه علي الارض 

في بلاهه وجحظت عيناه من محجريهما " واللفظ يفيد الزهول الشديد

(73) تختخ

وهو الشاب العبقرى ولكن شاب سمين وتخين( ودة انا طبعا ) بووووووودى

](74) تسالى يالوز

نداء خاص ببائع اللب والسودانى في الشوارع ولكن استخدمه الشباب للدلاله علي

ان العلاقه الغرامية التى تعيش فيها مجرد قضاء وقت تسليه ، وان حاله الحب 

التى يتظاهر بها ليس في موضعها

(75) تس تس

لفظ يوصف به الشاب الخانق او الممل لدرجه كبيره " والتس تس " هو الماده الخام للسماجه ايظاً

(76) تزيله

لفظ بمعنى السيده الضخمه مثل سيارات النقل التى تسير بعد منتصف الليل حتى لا تزعج المرور نهارا

(77) ترلالى

لفظ يطلق علي المعتوه او المجنون او الذى يخالف طبيعته فجأة

(7 تعبان موله

عبارة بمعنى ان الشاب " ليس له في التور او الطحين " اى لا يعرف اى شئ 

واحياناً ما يقولها الشاب الذى يمر بحالة من الفلس ، وتقال " انت تعبان 

موله "

(79) تشريد

لفظ بمعنى لا تنقل الاخبار ، او لا تنشر الاخبار او " ما تسيحش " او يقال " بلاش تشريد " اى لا تفضحنى

(80) توت فروت

وهو الشاب المهتم بنفسه زياده عن اللازم او المعتاد علي المظاهر الكاذبة ، 

واحياناً تقال علي الشخص الذى يعتقد نفسه بارع في مجال معين بغرض الاستهزاء

منه

(81) تريلو

لفظ يحمل معنى التجاهل والتخلص من شاب غير مرغوب فيه وهو تماثل المعنى للفظ " إحلق له

(82)

ثبت

لفظ يدل علي اسلوب حياة خاصة تهدف الى سلب النقود او احد الممتلكات الشخصية

بأده حاده ، وقد شاعت استخدام هذه الكلمه حالياً في اطار الكلام الجميل 

الذى يجعل البنت تميل الش الشاب ، واستخدمت ايضاً عندما يسأل الشاب والدته 

في نقود فيعدها " أى الشاب " بأنه سيجتهد في المذاكره ويكون ذلك من قبيل 

التثبيت

(83) ثلج نار

وتعنى ان الجو بارد جداً لدرجة التجمد ، وبالعامية " تلج نار

(84) جلنف

قليل الذوق في الحديث ، يتكلم بإسلوب غير حضارى مثل العربجية " كورباج ورا يا أسطى "

(85) جلياط

قليل الذوق ايضاً في استخدامه لعباراته او يتكلم بغشم وغباء

( 86) جبت جاز

يقصد الشاب بالعبارة غالباً انه وصل الى مرحلة غير متوقعه من التعب ، 

ويستشعر من العبارة ان الانسان عباره عن أله تعمل في الحياة بقوه ، وعندما 

يوجهها اى خلل تسقط هاوية " اكيد في عيب في الصيانه "

(87) جيب لنا لب من تنزانيا

اعلان الرغبه في انفصال شخصاً ما عن باقى الشله لان هناك موضوع هام يودون 

الحديث فيه مثل " روح جيب لب من تنزانيا " عقبال لما نخلص الموضوع ده ، اى 

تريد التحدث بحريه

(8 جيبة مخروم

صفه يتصف بها الشاب المبزر .. وتقال " أنت جيبك مخروم " أى لا يستقر فيه المال

(89) جعجاع

لفظ بمعنى الصوت العالى الذى لا يؤثر في الاخرين .. والجعجعة هو الصراخ والعويل والتهديد ولكن بدون تصرف فعلى

(90) جلدة

لفظ يطلق علي الشخص البخيل الذى يهون عليه الموت ولا يهون عليه ان يصرف مليم واحد

(91) جاه جهون

مصطلح متعدد الاغراض ، فاحياناً يأتى بمعنى " بدون تركيز " بغير استأذان " 

بدون تنظيم او تخطيط وتفيد في معناها العام العشوائية في التصرفات .. مثل "

ايه داخل جاه جهون كده "

(92) جهبز

وهو الشخص ذو القدرات الابتكارية الجبارة او دو العبقرية الخارقة .. يوصف باللفظ الاشخاص الاذكياء فقط

(93) جالى جرب في ودانى

عبارة بمعنى .. لا اريد سماعك مره اخرى .. انت رغاى ... صدعتنى .. ابعد عنى

... وكلها عبارات تفيد طلب الكف عن الثرثرة من الشخص الرغاى

(94) جون

وهو الشاب صاحب العلاقات الغرامية المتعدده او القادر علي الضحك علي عقول 

الفتيات بسوء نيه وذلك عن طريق وسامته او حديثة المعسول او بماله

(95) جعر

لفظ بمعنى كثير الياح والمنظره على الفاضى

(96) حطيت ايدى علي البلف

اى لمست جوهر الحقيقة داخل شئ ما ..

(97) حاتى

لفظ بمعنى صاحب جاه او يملك فلوس .. او سلطه او نفوز وتقال ده شاب حاتى اى 

قوى بماله الذى يجعل له سلطه بين الشباب والحاتى لفظ يطلق ايضا علي بائع 

الكباب والكفته

(9 حافرتى

بمعنى دايس في الدنيا ، لدية الخبره الازمه في فن التعامل مع الحياة ، او قادر علي معالجه الامور بحكمة وخبره

(99) حاجة بربع جنية

عبارة بمعنى الرغبه في الحصول علي ايه مصلحه او فائده مهما كانت قليلة 

الاهمية حتى ولو بربع جنية والقائل لهذه العبارة هو انسان انتهازى مستغل 

للفرص ، او يعامل الناس بهدف الحصول علي مكسب

(100) حانوتى

مهنة تحولت الى لفظ مستخدم بمعنى " بخيل " محب للمصائب وتقال انت شاب 

حانوتى اى لا تفيد في شئ الا في حاله انعدام الفائدة والمنفعه ، مثل " ممكن

تسلفنى عشره جنية " فيقول الحانوتى " كان نفسى .. بس الفلوس اللى معاي مش 

بتاعتى دى بتاعت خالتى اللى في امريكا

(101) حرك

لفظ يطلق علي الشاب المجتهد في عمله اى الشاب النشيط الذى لا يعرف الكسل

(102) خبط في الكلام

عبارة تقصد منها توجية اللوم لشاب حيث يتحدث في اشياء لا تخصه .. او كان 

يقصد الشتيمة مثل " انت بتخبط في الكلام " اى تقول كلام ليس له داعى

(103) خدوده أنش

عبارة تطلق علي الفتاة الجميلة التى تمتاز بالرقه والنعومة والممتزجه بالخجل

(104) الحته الزفره

عبارة تطلق علي الملابس الجديدة وتقال لابس الحته الزفره اى مرتدى اجمل ثيابك ويقصد بها ايضا الخروج في ميعاد هام

(105) خيشة

وهو الشخص الذى لا يفقه شئ ويتظاهر بالعكس .. او الشاب الجاهل الغبى . ولقد

استخدمها المطرب الشعبى شعبان عبد الرحيم في اغنيته " كداب يا خيشة كداب 

قوى .. انا كنت فاكرك فهلوى "

(106) خرمان

لفظ بمعنى انه محتاج الى سيجارة حالاً ، وهو لفظ تعدى حدود الروشنه فهو يستخدم بين كل الناس وفي الافلام والمسلسلات الان

(107) خيش

لفظ بمعنى اصطدام بشئ ما " عمل حادثه " وتفيد تحطم السيارة بسبب التصادم ، 

واحياناً تقال " كلامه يخيش في الدماغ " اى كلامه موزون وهو دليل علي 

ارتياح المتكلم مع هذا الشخص " الخيشانى "

(108) خلبوص

لفظ بمعنى " ميه من تحت تبن " اى يظهر غير ما يبطن .. ويقال اللفظ في المواقف التى تظهر فيها حقيقة الشخص الذى امامك

(109) خلل

وهو الشخص المصاب بحاله من الجنون او الذى يتصنع العبط والاستهبال ويتصرف تصرفات غير طبيعية وغير مقبوله

(110) خمس

مصطلح يطلقه الشاب الذى " ضربه السلك " اى الذى اختفت من جيوبه النقود والتخميس اما في سيجاره او كوب شاى

(111) خنفس

حشرة سوداء اللون بطيئة الحركة وشكلها مقزز ، واللفظ اطلق علي الشاب المايع

الذى يرتدى الملابس المهلهله ويقول انها موضه وروشنه او يربى شعره مثل 

النساء ويؤكد روشنته ، والروشنه منه بريئة

(112) خدنى تحت جناحك

بمعنى ساعدنى لاصل الى هدفى ، وتقال لشخص ذو منصب او ظهرت عليه نعمه فجأة ، مثل يا عم خدنى تحت جناحك احنا غلابه

(113) خر

لفظ بمعنى اعترف بسرك او اكشف ما كنت تخفيه

(114) خمفشارى

لفظ بمعنى الشئ غير المعروف وتقال اللغه الخمفشارية او الخنفشارية ، اى اللغه غير المعروفه او غير الموجوده اساساً

(115) دايس عليها قطار

عباره تطلق علي الفتاه قبيحه المنظر لدرجة مبالغ فيها وتقال .. البنت دي دايس عليها قطار .. اى لا تظهر ملامحها .. وحشه قوى .. الخ

(116) الدنيا زى ما بتفكك بتظبطك

عباره بمعنى جاء الفرج بعد العسر يسر ، ما ضاقت الا ما فرجت .. ربك كريم

(117) دباليمو

مصطلح بمعنى ان هذا الشاب او هذه الفتاه حاصله علي دبلوم صنايع او تجارى " 

دبلوماتك برجالاتك دبلة دهب في صياعتك ، وهذا يعنى ان الدبلوم طريق سريع 

للشاب ليدخل الى معترك الحياة والعمل باعتبار ان الحاصل علي الدبلوم قد يجد

مهنه قبل الجامعى ، كما ان الفتاة الحاصلة علي دبلوم تتزوج قبل الجامعية 

ويقولون ايضاً " دبلوم العدل " دبلوم الزواج

(118) دهاليز الحياة

عباة بمعنى مشاكل الحياة ومعاناتها اليومية وتقال " الواحد تاه في دهاليز الحياة " اى المشاكل المستمرة الدائمة في الحياة

(119) دماغ

لفظ بمعنى الانفصال عن الواقع ، اى الرغبه في تجنب المشاكل " يا عم دماغك " اى انسى المشاكل

(120) دبور

وهنا لا تقصد حشرة الدبور بوجه خاص ، ولكن نقصد صفاته التى امتزجت بتصرفات 

الشباب مثل الرغى اى الذى لا يكف عن الحديث ، لكن غالباً ما يأتى هذا اللفظ

للتعبير عن الفتى الذى ينتقل من فتاة الى اخرى اى كثير العلاقات الغرامية

(121) الدفش اللى فشلك جحمزه وحزيه

عبارة بمعنى لا تتركه يمشى قبل ان نحصل منه علي مصلحه سواء برضاه او بغير 

رضاه والعبارة يقولها شاب لزميلة او صديقة بغرض الانتفاع من شخص اخر

(122) دبلج المسائل

عبارة بمعنى " صلح المواضيع " حاول ان تخفف اخطائى او ظبط الامور او خفف حده التوتر الذى سببته

(123) دؤرم

لفظ ثناء على الشخص الذكى او الذى يفهم الكثير .. او الذى يعرف ما يدور حوله في الخفاء

(124) دغف

حاله من الغباء المستحكم الخالى من الخبث والمكر وتقال " انت دغف " اى لا تفهم اى شئ وتتعامل بجهل شديد

(125) داير

لفظ بمعنى لافف ، اى خبير في الطرق والاتجاهات سواء كانت شوارع او مواضيع ،

مثل " انا داير في السوق " اى اعرف كل شبر فيه واحياناً تقال " دايره علي 

حل شعرها " اى تسير بحرية ولا تسمع لنصائح الاخرين

(126) زبون

الشخص الواقع في الخديعة او الذى يمكن استغلاله مثل " انت زبون " اي يسهل خداعك

(127) زومبجى

وهو الشاب القادر علي اصدار الشائعات والمحترف في فن تدبير المقالب او الشخص الذى لديه قدرة خارقه علي الخبص والتوقيع بين الناس

(128) زلومه

لفظ يطلق علي الشخص الذى يدس انفه في كل كبيره وصغيره او بالبلدى " الحشرى " وتقال شاب بزلومه واحياناً تعنى صاحب الانف الكبيره

(129) زوغ

لفظ يعنى " هرب " وله استخدامات عديده مثل " زوغت امبارح من الجامعة " اى 

لم اذهب الى الجامعه وخرجت مع الشله في مكان ما ، او " زوغت من فلان " اى 

هربت منه

(130) زنطاح

وهو المادة الخام للكذب " كداب زفه " اى ان حياته كذبه كبيره صدقها ونسى واقعه

(131) زبله

لفظ بمعنى القصير الذى ليس له اى اهميه

(132) زغابه

لفظ بمعنى جمهور من الناس ، او عدد كبير من الناس وتقال " ناس أيه .... ديه زغابه " اى لا يمكن عدهم

(132) زغروف

اسم يطلق علي المخدرات

(134) زراقانا

لفظ يطلق علي الفتاه السمراء لدرجه السواد الذى يخفى المعالم والملامح

(135) زمبوقه

لفظ بمعنى " صاحب الانف الكبير " او صاحبة الانف الضخم ... والزمبوقه اساساً هى " الكوز او الشفشق " الذى كان يشرب منه العرب قديماً

(136) سكح مراجيح ع الديق

اى ان الحياه كلها مشاكل ومتاعب وقرف

(137) ستف تمام

عباره تدل علي جوده المخدرات

(138) سبوبه

وتعنى العمل السريع او العمل الاضافى مثال " عندى سبوبه " عندى عمل اضافة

(139) ساستمنى

اللفظ يعنى اشرح لى .. عرفنى .. اكشف لى الحقيقه

(140) سكاموزه

لفظ بمعنى .. هذه فتاتى .. صديقتى ، مثل " ايه يا سكاموزه " ماذا تريدى يا صديقتى

(141) سلوع

لفظ بمعنى رفيع جداً ... جداً

(142) سلعوه عندها بواسير

عباره تطلق علي الفتاه القبيحه والتى تمتاز بالنحافه وجسدها لا يتماشى مع الجزء الاخر بمعنى متنافره الاجزاء او القوام

(143) سفروت

اى قليل الحجم " مش باين من الارض " وتطلق علي الشاب القصير او القزم

(144) سمعنى اودعك

عباره بمعنى اعلان الرغبه في انهاء الحوار مع شخص ما ودفعه الى الرحيل ، كما تفيد ايضاً امشى من غير مطرود او مطرود مش فارقه

(145) سكامونس

الرقيق .. مقبول الشكل وغالباً ما يطلق اللفظ علي الفتاه الجميلة ذات 

الملامح الطفولية ، مثل " بنت سكامونس خالص " اى لذيذة جداً ... جداً

(146) سبارس

السبارس هى اعقاب السجائر .. وتقترن بالشخص عندما يقال انت " سبرسجى " وذلك

دلاله علي شده فقره لدرجة جمعه لاعقاب السجائر من الارض لتدخينها ، 

والسبرسجى كان وظيفه في الماضى محترمه وكان يمسك هذا الشخص عصا طويله في 

مقدمتها مسمار ليلتقط به السجائر من علي الارض حتى لا ينحنى لاى عقب امامه

(147) سفلقة

لفظ بمعنى عزم نفسه علي حساب الغير او بدون رفع المقابل وتعنى ايضاً الهروب من الدفع مثل " دخلت السينما سفلقه "

(148) سيكه

لفظ يطلق علي المجندين الذين يعملون تحت امر ظابط .. وهى بمعنى الخادم او الخادمه

(149) سلبوته

لفظ بمعنى عادى ، ويطلق غالباً علي الاطفال العراه في الصور

(150) سيطه عناب

عبارة تعنى العبيط

(151) سنجف

لفظ بمعنى اكلته في الكلام ،، ضحكت عليه مثل " سنجفت الزبون " اى عرفت كيف اضحك عليه واقنعه بكذبه

(152) سنافور المحطة

عبارة تطلق علي الشاب الطويل الذى يمتاز بالنحافة والسنافر هو عمود اناره خاص بالسكك الحديدية

(153) سلكلى المسائل

عبارة بمعنى " مشى امورى " سهلى الحياة .. شوف لى مصلحه وتقال في الوقت الضيق او طلب المساعده من صديق او صاحب سلطه

(154) سقاقه في المدكة

عبارة بمعنى كبر دماغك وتستخدم بعد حوار مطول بين الاصدقاء لانهاء الموضوع او تغييره

(155) سيجارة النتين لا بتولع ولا بتكيف

عبارة بمعنى ان الحصول علي سيجارة من شاب بخيل هى معجزة في حد ذاتها .. 

ورغم ذلك فهى لن تفيد بأى حال من الاحوالى .. وهناك حوار لذيذ يدل علي ذلك :

*شاب خرمان " دخانك عمانا "

بمعنى " عاوز سيجارة "

*النتن " شبوره وتعدى "

بمعنى " مافيش سجاير "

*الخرمان " طب كبريتك لسعنا "

بمعنى " برضه عاوز سجاره "

*النتن " واوه وتخف "

الخرمان " ده الاتوبيس دخل في البنزينه وولع

بمعنى هات سيجارة يا بخيل

في الاخر الخرمان يقول :

يا نتن مافيش سيجارة .. النتن يقوله لاء مافيش

(156) سبل ( تسبيل )

اسلوب في فن المعاكسة يعتمد علي العين من خلال النظرات ، والتسبيل يكون 

بطريقه النظره الحلامة التى تحمل اشواق وامال واحلام وهيام وثناء ووفاء ، 

وكل الاحاسيس والاسماء التى تخطر علي باللك ، والنظره الحالمه المقصوده " 

بالتسبيل " اقوى تأثيراً من اى شئ اخر ، ( من وجهة نظر المسبلاتى طبعاً )

(157) سقط

هو التدرج نحو الغياب عن الوعى او التوهان ، واللفظ يقال للشاب الذى فقد 

تركيزة في العمل او المشتت التفكير او الذى تعب من السهر والمرح ويرغب في 

النوم " بيسقط "

(158) سجا سجا

لفظ بمعنى تمهل او انتبه لى ، ولقد اطلقها النجم الراحل نجاح الموجى في احد

مسرحياته ، عندما قال " سجا سجا " انا ابويا اللى اخرع النبلة اى تمهل حتى

تعرف من اكون

(159) سرماح

لفظ بمعنى صايع او الذى يمشى علي هواه ، ويطلق علي الشاب ذو العلاقات النسائية المتعدده

(160) شارع الرمش

عباره تطلق علي الشوراع التى تمشى فيها الشباب مع صديقاتهم او الشاب 

وحبيبته ، واحياناً تقال لعي الشوارع التى يمكن ان يعاكس فيها الشباب 

الفتيات .. او تطلع علي الفتاه التى تحب المعاكسات ،، مثال " ايه نظام النت

.. يا عم دى من شارع الرمش .. اللى بيخشه ما بيتحرمش " اى لا تعترض علي 

المعاكسه ويمكن ان تصادقها او تحبها

(161) شبشبه

لفظ يفيد الاعتداء بالضرب علي شخص ما وغالباً شاب ، اثر معاكسته لفتاه مثل " انا مسكت الواد شبشبتله " اى ضربته واهنته

(162) شكونتا

لفظ بمعنى الاهمال واللامبالاه ، وتقال دائماً " الواد ده شكونتا " اى ليس له في شئ .. جاهل .. غبى حمار مخطط .. وهكذا

(163) شنكح

لفظ يطلق علي شخص ما اشتهر بالمرح المخلوط بالاستهبال والعبط ، ويشتق من 

اللفظ ايضاً كلمه ؟ انشكح " اى وصل الى مرحله عالية من الضحك والسعاده

(164) شنكوط

والشنكوط هو الشاب المعفن والبخيل .. والجاهل الى جانب كل المساوئ التى يمكن ان يصف بها شاب

(165) الشخرمون طاخ في الترللى

عبارة بمعنى ان الموضوع ضاع علي الفاضى لاداعى من البحث عن شئ اختفى .. كل ما تم تخطيطه فسد ... وهكذا

(166) شخروف

كلمه اعتراضيه تفيد الاستنكار

(167) ش . ش . ش

شعار يطلق علي شباب شبرا بمعنى " شقاوه شباب شبرا " بأعتبار انهم شباب اخر شقاوه ومرح وجدعنه ودوس علي الزرار وارفع الشعار "

(168) شكلك مش عاطفى

عباره بمعنى ان هناك مصيبه تشغل تفكيرك واحياناً تدل علي معنى اخر يحمل نيه

مبيته بالغدر والايذاء مثل " انت شكلك مش عاطفى " اى هيئتك لا تعجبنى وهو 

نوع من التلكيك للاخرين

(169) شرفنطح

نطاط الارض ، الفرقع لوز ، الذى لا يستقر في مكان ، مثل فينك من زمان ، عايش شرفنطح ، اى اعيش حياه الرحاله لا اتواجد في مكان واحد

(170) شلضم

وهى الشفاه الغليظة .. وجمعها شلاضيم وهو الفم الكبير وتقال " بنت مشلضمه " اى لها شفاه غليظة قبيحة 

وجمعها شلاضيم وهو الفم الكبير وتقال " بنت مشلضمه " اى لها شفاه غليظة قبيحة المنظر

(171) شحناف

لفظ بمعنى الصياعه بعبط او الذى يمارس كل شئ واى شئ بإستهتار وغباء ، الامر الذى يعرضه للخطوره

(172) شامورتى

وهو صغير السن ، وتقال احياناً علي الشباب الذى يعانى من انعدام الخبره في 

الحياه او الذى ليس له تجارب ، وتقال دائماً علي الفراخ الصغيره ( الشامورت

)

(173) شاب البرومة ما دستلوش علي رفرف

عباره بمعنى الشرف ، النزاهه ، الاصول ، وتأتى غالباً للدلاله علي كل الصفات الحسنه التى يمكن ان يتصف بها شاب

(174) شاب بيروح

هو الشاب الذى يسهل خداعه والضحك عليه وهو ايضاً الشاب العبيط او الاهبل ..

وهناك اقوال تفيد ان العباره تدل علي ايحاء غير شريف بالمره يضر بسمعه شاب

(175) شعوزة

لفظ بمعنى " ولعها " او اجعلها حريقه عن طريق دس المكائد اذا كانت العباره 

قيلت في مشاجره او اجعل الشباب ترقص بجنون عن طريق زياده سرعه الموسيقى " 

اذا كان يقصد بها الرقص والمرح

(176) شبرق

وهى عاده محبوبه خاصه للمفلسين حينما يقوم احد الاصدقاء " المريشين " اى 

الذى يملكون المال بالصرف عليهم .. سواء في عزومه او بسلفه محترمه ،، مثال "

خد شبرق نفسك " اى خد فلوس ولا تحرم نفسك من اى شئ تريده او " دلع نفسك " 

كما يقال

(177) شرد

وهو لفظ يطلق علي ناقل الاخبار ، ولا تشرد اى لا تنشر الاخبار ، مثال " بلاش تشريد " اى لا تفضحنى

(178) شلونة

كائن اسطورى عملاق يتصف بالغباء الشديد والقوى الجسدية ، اخترع اللفظ 

الشباب للدلالة علي الشخص الغبى ذو الجسد العملاق ، او كما يقال في الامثال

" اجساد البغال .. وعقول العصافير

( 179) صبح لالاه

مصطلح يعنى عاوز سيجارة وهو اختراع شبابى جداً من قبيل الروشنة

(180) صباح الجاز

اصطلاح بمعنى ان اليوم سئ للغايه ، يوم مشاكل ، وتقال " صباح الجاز " والعبارة توجه الى شاب غير مرغوب فيه

(181) الصياعه ادب مش هز أكتاف

عباره بمعنى ان الصياعه ، صنعه المحترفين القادرين علي كسب الغير في صفهم 

بأسلوب جذاب مقبول ، علي عكس المعتقد عنها ، بأنها بلطجة وخشونه في التعامل

... وتقال العبارة في حقيقه الامر بطريقه مختلفه حيث الهز هنا خاص بأكتاف 

الشاب الصايع

(182) الصلى ع الصلى ... ولا كدب ولا فشخره

عباره تقال من قبل الشخص الذى نجح في انجاز عمل حاز علي اعجاب الاخرين .. 

وفي العبارة يعلن للجميع انه شخص بارع لا يدعى المعرفه او التظاهر .. 

فالمعجزه حققها اما الجميع

(183) صباح الفل .. نظف ورول

عباره عكسية اطلقها شباب المدخنين بدلاً من اللفظ القديم في الافلام " مساء الخير "

(184) ضبط

اى عدل في الواقع ليكون اجمل ، واللفظ له العديد من الاستخدامات مثل " ضبط 

بنت حلوة " اى تعرفت عليها وصادقتها ... " ضبط ميعاد بكره " اى حصلت علي 

ميعاد بالخروج والفسحه

(185) ضربها طبجنة

تطلق علي الشاب الذى لا يهمه اى شخص او الغير ، عابئ بمشاكل الحياة ، فهو يعيش لنفسه فقط

(186) ضريب

مصطلح له استخدامات متعدده ، فأحياناً تأتى بمعنى اشرب ، مثل " اضرب كوبيه 

الشاى دى " او اكل مثل " اضرب السندوتش " او لسه ضارب كشرى ، اى انه انتهى 

لتوه من تناول وجبة كشرى

(187) ضيق من جوه

تطلق علي الشخصيات الكريهة التى تحمل الضغائن للاخرين . ولا تعرف معنى كلمه التسامح والعفو عند المقدرة

(188) شاب ابو الهول

دى بقى تتقال للشاب التنح اللى مبيتحركش من مكانة

(189) مش وقتك خالص

دى بقى لما واحد يكون مضايقك من حد ويجيلوا واحد مبيحبوش خالص تتقال مش وقتك خالص

(190) الفشة عايمة

دى بقى تتقال للشاب اللى بقة مفتوح على طول بيضحك عمال على بطال بيتقالة فشتة عايمة